ما بين التمره والجمره
ومانتيش قادره تختاري
كرات دمك بتتكون
يادوب كام كوره محفوره
ودمك لسه متلون بيرسم
للأمل صوره
وقلبك الاخضر الصافي
بيتثبت وبينبت
ورا ضلوعك
عشان يشبكها ف الأيام
بخيط عمرك سبع أيام
يا دوب سبعه
ولسه دايبه في خلاصك
وجيتي الدنيا م الآخر
وتتأخرنجوم سعدك
تجيبلك م السما وعدك
بإنك من بنات الموت
ومهما يعدي والا يفوت
معاه عذره
لأن الموت مابيفرقش
ما بينقيش وما بيخترش
جالك وانتي في اللفه بهليله
ولف عليكي ميت لفه وضليله
ولفوكي
وعند محمد الدره وزفوكي
ملايكة صاحب القدره
يزفوكي يخلوكى
حوريه من بنات الحور
قدرمسطور يصاحبك نور
لمثواكي ويلقاكي
بداية عمر ف نهايه
بتبعت للعرب آيه
